កម្មវិធីផ្លាស់ប្តូរការសិក្សា និងអាហារូបករណ៍ដែលអ្នកមិនគួរមើលរំលងនៅឆ្នាំនេះ

ខាងក្រោមនេះ គឺជាបណ្ដុំពត៌មានស្ដីពីអាហារូបករណ៍ និងកម្មវិធីផ្លាស់ប្តូរការសិក្សានៅ ចក្រភពអង់គ្លេស, សហរដ្ឋអាមេរិច, ប្រទេសចិន, ជប៉ុន និងកាណាដា៖

 

 

 

SHE-CAN គឺជាអង្គការក្រៅរដ្ឋាភិបាលមួយដែលរហូតមកដល់ពេលបច្ចុប្បន្ននេះបានផ្ដល់ជូននូវអាហារូបករណ៍ពេញលេញចំពោះការសិក្សានៅសហរដ្ឋអាមេរិច និងផ្ដល់ឱកាសក្នុងការក្លាយជាអ្នកដឹកនាំ ទៅដល់និស្សិតនារីខ្មែរសរុបចំនួន៤៦នាក់ ។ ក្នុងឆ្នាំ២០១៩នេះ SHE-CAN នឹងបើកទទួលនិស្សិតនារីខ្មែរអាហារូបករណ៍ចំនួន១០រូបទៀត ដែលមានអាយុចាប់ពី១៧ដល់២៣ឆ្នាំ និងបានបញ្ចប់ថ្នាក់ឧត្តមសិក្សាទុតិយភូមិមុនឆ្នាំសិក្សា២០១៩។ ការប្រឡងវគ្គសម្ភាសនឹងប្រព្រឹត្តទៅនៅខែមករាខាងមុខនេះ ក្នុងទីក្រុងភ្នំពេញ។

កាលបរិច្ឆេទផុតកំណត់៖ ថ្ងៃទី០១ វិច្ឆិកា ២០១៨
ព័ត៌មានលម្អិត៖ https://goo.gl/qE21pK

២.អាហារូបករណ៍ថ្នាក់បរិញ្ញាបត្រទៅសិក្សានៅប្រទេសចិន

អាហារូបករណ៍ ស សុខា គ្រោងនឹងធ្វើការរៀបចំការប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រជំនាញវិស្វករសំណង់ស៊ីវិល និង ជំនាញទំនាក់់ទំនងពាណិជ្ជកម្មអន្តរជាតិ ចំនួន៦០នាក់ (មានតែសិស្សខេត្តព្រៃវែង បាត់ដំបង និងខេត្តបន្ទាយមានជ័យមានសិទ្ធិក្នុងការដាក់ពាក្យស្នើសុំ)។ ទៅសិក្សានៅសាកលវិទ្យាល័យ ហឺហ្វីយ៍ ប្រទេសចិន សម្រាប់ឆ្នាំសិក្សា២០១៨-២០១៩។
កាលបរិច្ឆេទផុតកំណត់៖ ថ្ងៃទី២៥ សីហា ២០១៨
ព័ត៌មានលម្អិត៖ https://goo.gl/5nvido

៣. អាហារូបករណ៍ថ្នាក់បរិញ្ញាបត្រនៅសកលវិទ្យាល័យ Sophia ប្រទេសជប៉ុន

អាហារូបករណ៍នៅសកលវិទ្យាល័យ Sophia ប្រទេសជប៉ុន បានបើកហើយសម្រាប់បវេសនកាលនិទាយរដូវ ក្នុងឆ្នាំសិក្សា២០១៩នេះ។ អាហារូបករណ៍នេះបើកសម្រាប់និស្សិតសញ្ជាតិជប៉ុន និង និស្សិតអន្តរជាតិ ដែលកំពុងសិក្សាកម្រិតបរិញ្ញាបត្រ និងនិស្សិតដែលបានបញ្ចប់ការសិក្សា។

កាលបរិច្ឆេទផុតកំណត់៖ ថ្ងៃទី២៤ សីហា ២០១៨
ព័ត៌មានលម្អិត៖ https://goo.gl/hRz1Mk

 

៤.អាហារូបករណ៍ថ្នាក់បរិញ្ញាបត្រនៅសកលវិទ្យាល័យ Memorial University of Newfoundland ប្រទេសកាណាដា

The Memorial University of Newfoundland ដែលត្រូវបានគេស្គាល់ថាសាកលវិទ្យាល័យ Memorial ឬ MUN គឺជាសាកលវិទ្យាល័យមួយដែលស្ថិតមាននៅ St. John’s, Newfoundland និង Labrador ប្រទេសកាណាដា។ The Memorial University of Newfoundland កំពុងផ្តល់អាហារូបករណ៍ថ្នាក់បរិញ្ញាបត្រដល់សិស្សនិស្សិតអន្តរជាតិ ដែលអាហារូបករណ៍ទាំងនេះតម្រូវឲ្យនិស្សិតមានជំនាញភាសាអង់គ្លេសកំរិតខ្ពស់ដែលអាចប្រើប្រាស់បានក្នុងកម្មវិធីសិក្សាជាភាសាអង់គ្លេសបាន។

កាលបរិច្ឆេទផុតកំណត់៖ ថ្ងៃទី០១ តុលា ២០១៨
ព័ត៌មានលម្អិត៖ https://goo.gl/cVFfDa

៥.ឱកាសចូលរួមកម្មវិធីផ្លាស់ប្តូរយុវជនJENESYS 2018

ស្ថានទូតជប៉ុន នឹងរៀបចំជ្រើសរើសបេក្ខជនចូលរួមកម្មវិធីផ្លាស់ប្តូរយុវជននៅខែមករាឆ្នាំ២០១៩ នៅប្រទេសជប៉ុន
កំណត់សម្គាល់៖ យោងតាមគោលការណ៍ណែនាំ ចំពោះលក្ខខណ្ឌបេក្ខជនដែលអាច ដាក់ពាក្យបាននោះគឺ ត្រូវតែជានិស្សិតឆ្នាំទី៣ក្នុងឆ្នាំសិក្សា២០១៨-១៩ មានន័យថា ក្នុងអំឡុងពេលទស្សនកិច្ចនៅប្រទេសជប៉ុន ដោយគិតចាប់ពីថ្ងៃដំបូង គឺថ្ងៃទី២២ ខែមករា ឆ្នាំ២០១៩ ត្រូវតែជានិស្សិតឆ្នាំទី៣ ។

កាលបរិច្ឆេទផុតកំណត់៖ ថ្ងៃទី0៧ កញ្ញា ឆ្នាំ២០១៨
ព័ត៌មានលម្អិត៖ https://goo.gl/FqWpJ7

៦.អាហារូបករណ៍ផ្នែកអនុបណ្ឌិតនៅCheveningប្រទេសអង់គ្លេស

Cheveningផ្ដល់ជូននូវអាហារូបករណ៍យ៉ាងពេញលេញ អទិភាពដល់អ្នកដែលមានគោលដៅក្នុង ការសិក្សា និង ទទួលបទពិសោធន៍ថ្មី។ អ្នកនឹងទទួលបានការសិក្សានៅប្រទេសអង់គ្លេសរយៈពេលមួយឆ្នាំពេញ ហើយក្នុងអំឡុងពេលនោះផងដែរ អ្នកនឹងយល់ថាខ្លួនឯងមានការអភិវឌ្ឍ ទាំងផ្នែកវិជ្ជាជីវៈ និងផ្នែកអប់រំ ព្រមជាមួយគ្នានេះដែរ អ្នកនឹងបង្កើនទំនាក់ទំនង និងបទពិសោធន៍ក្នុងការរស់នៅជាមួយវប្បធម៌អង់គ្លេស។

កាលបរិច្ឆេទផុតកំណត់៖ ថ្ងៃទី០៦ កញ្ញា ២០១៨
ព័ត៌មានលម្អិត៖ https://goo.gl/EXad9g

អត្ថបទដោយ៖ វេង សូនីតា