៤ចំនុចដែលអ្នកគួរចូលរួមកម្មវិធី 2nd DMC Information day!

ថ្ងៃសៅរ៏ ទី១ ខែកញ្ញា ស្អែកនេះ ចាប់ពីម៉ោង ៧ និង៣០ នាទីព្រឹក នៅដេប៉ាតឺម៉ង់ ប្រព័ន្ធផ្សព្វផ្សាយ និងសារគមនាគមន៍ នៃសាកលវិទ្យាល័យភូមិន្ទភ្នំពេញ នឹងមានការរៀបចំកម្មវិធី2nd DMC Information Day។ តើកម្មវិធី 2nd​ DMC Information day ជាអ្វី? ធ្វើឡើងដើម្បីអ្វី? តើហេតុអ្វីបានជសិស្ស និស្សិត ដែលមានបំណងដាក់ពាក្យចូលប្រឡងជំនាញនេះ គួរចូលរួមកម្មវិធីនេះ?

១.ទទួលចំនេះដឹងទាក់ទងនឹងប្រព័ន្ធផ្សព្វផ្សាយនិងសារគមនាគមន៍
សិស្សដែលប្រឡងជាប់សញ្ញាបត្រមធ្យមសិក្សាទុតិយភូមិឬបាក់ឌុប ហើយកំពុងស្វែងរកកមុខជំនាញដើម្បីរៀនបន្ត គួរមកចូលរួមកម្មវិធីនេះ ព្រោះអាចជួយអ្នកក្នុងការសម្រេចចិត្ត។ រីឯសិស្សានុសិស្សដែលមានចំណាប់អារម្មណ៌ខាងវិស័យប្រព័ន្ធផ្សព្វផ្សាយ ហើយមិនទាន់បានស្គាល់ច្បាស់ពី DMC នោះ ក៏អាចមកទទួលយកពត៌មានអោយកាន់តែច្បាស់អំពី ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។

២.ទទួលបានគន្លឹះសំខាន់ៗក្នុងការទទួលបានអាហារូបករណ៍ពី DMC

បន្ថែមលើសពីនេះទៀត គន្លឹះពិសេសៗដើម្បីប្រឡងយកអាហារូបករណ៌ពី DMC នឹងត្រូវបានចែករំលែកពីនិស្សិតឆ្នើមដែលកំពុងសិក្សា និងបញ្ចប់ការសិក្សា នៅ DMC ផងដែរ។

៣. ការចែករំលែកបទពិសោធន៍ការងារពីវាគ្មិនក្នុងវិស័យប្រព័ន្ធផ្សព្វផ្សាយ និងសារគមនាគមន៍

អតីតនិស្សិតរបស់ DMC ដែលបច្ចុប្បន្នកំពុងបម្រើការងារនៅក្នុងនានា ពាក់ព័ន្ធនឹងប្រព័ន្ធផ្សព្វផ្សាយ និងសារគមនាគមន៍ ត្រូវបានអញ្ជើញឱ្យចូលរួម ដើម្បីចែករំលែកអំពីបទពិសោធ៍ការងារផ្ទាល់ខ្លួន។

៤. យល់ដឹងឱ្យកាន់តែច្បាស់អំពីឱកាសការងារដែលអាចទទួលបានបន្ទាប់ពីបញ្ចប់ការសិក្សានៅ DMC
មុននឹងសម្រេចចិត្តជ្រើសរើសសិក្សាជំនាញណាមួយឱ្យប្រាកដ អ្នកគួរមានគោលដៅការងារថ្ងៃអនាគតអោយបានច្បាស់លាស់ ស្គាល់ពីខ្លួនឯង និងសមត្ថភាពខ្លួនឯង។ នៅក្នុងកម្មវិធី DMC 2nd Information day នឹងមានបរិយាយអំពីប្រធានបទនេះ ដើម្បីណែនាំអ្នកអោយឈោងចាប់យកឱកាសការងារដែលសមស្របសម្រាប់អ្នក។
ដូច្នេះសិស្សានុសិស្សទាំងអស់គួរមកចូលរួមកម្មវិធី DMC 2nd info day ទាំងអស់គ្នាដើម្បីទទួលបានចំណេះដឹងប្លែកៗដែលមិនមានពីមុនមក។ សម្រាប់ព័ត៌មានបន្ថែម អ្នកអាចចូលក្នុងគេហទំព័រហ្វេសប៊ុកផ្លូវការរបស់ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍៖ https://www.facebook.com/DMC.CCI/

អត្ថបទដោយ៖ អ៊ុក សុវណ្ណលីដា