ឱកាស​ហាត់ការ​កំពុង​រង់ចាំ​អ្នក​

ការ​ហាត់ការ​ជា​ពេល​វេលា​ ដែល​អាច​ឱ្យ​និស្សិត​ចាប់ផ្ដើម​ចូលរួម​ និង​សាកល្បង​ធ្វើការ​ក្នុង​បរិយាកាស​​ការងារ​ជាក់ស្ដែង​។​ នេះ​ជា​ឱកាស​ដែល​និស្សិត​អាច​សម្រួច​សមត្ថភាព​ និង​ចំណេះដឹង​ ដើម្បី​ត្រៀម​ខ្លួន​ក្នុង​ការ​បំពេញ​ការងារ​ក្រោយ​បញ្ចប់​ការ​សិក្សា​។ ឱកាស​ហាត់ការ ​ដែល​កំពុង​រង់ចាំ​អ្នក​ មាន​ដូច​ខាងក្រោម​៖

១. ហាត់ការ​ជាមួយ​គម្រោង​សិល្បៈ​ ស​ ស​

គម្រោង​សិល្បៈ ស​ ស កំពុង​ស្វែង​រក​​អ្នក​ហាត់ការ​ក្រៅ​ម៉ោង​ ក្នុង​ការ​ជួយ​ការងារ​ផ្សេងៗ​ ដូចជា​ការ​រៀបចំពិព័រណ៍សិក្ខាសាលា​សិល្បៈ និង​កម្មវិធី​នៃ​គម្រោង​សិល្បៈ​មួយ​នេះ ​ជាដើម​។ នេះ​ជា​ឱកាស​ក្នុង​ការ​ពង្រឹង​ចំណេះដឹង​ផ្នែក​សិល្បៈ​​ ធ្វើការ​ជាមួយ​សិល្បករ​ផ្ទាល់​ ក៏​ដូចជា​ក្រុម​ការងារ​ប្រតិបិត្ត​សិល្បៈ​ផង​ដែរ​។ ប្រសិន​បើ​បេក្ខជន​មាន​បំណង​ដាក់ពាក្យ​ អ្នក​ត្រូវ​ផ្ញើ​ប្រវត្តិរូប​សង្ខេប​( CV) ទៅ​កាន់​អ៊ីម៉ែល​ lyna@sasaart.info  ឬ​ទៅ​ជួប​ផ្ទាល់​នៅ​ទីតាំង​របស់​គម្រោង​សិល្បៈ ស​ ស​។​ សម្រាប់​ពត៌មាន​បន្ថែម​៖ https://www.facebook.com/pg/sasaartprojects/

២.​ អ្នក​ហាត់ការ​ផ្នែក​ច្បាប់​ នៅ​ក្នុង​កម្មវិធី​ឃ្លាំ​មើល​ការ​អភិវឌ្ឍន៍​ (DW Program)

បេក្ខជន​ដែល​មាន​សមត្ថភាព​មួយ​រូប ​នឹង​ត្រូវ​បាន​ជ្រើសរើស​សម្រាប់​ហាត់ការ​ផ្នែក​ច្បាប់​ជាមួយ​កម្មវិធី​ឃ្លាំ​មើល​ការ​អភិវឌ្ឍ​។ អ្នក​ហាត់ការ ​នឹង​ធ្វើការ​នៅ​រាជធានី​ភ្នំពេញ​ និង​ត្រូវ​ធ្វើ​ដំណើរ​ទៅ​តាម​ខេត្ត​ម្ដងម្កាល​។ បេក្ខជន​ត្រូវ​មាន​ចំណេះដឹង​ផ្នែក​ច្បាប់​ បញ្ហា​សិទ្ធិ​មនុស្ស​នៅ​កម្ពុជា​ អាច​ធ្វើ​ដំណើរ​ទៅ​តាម​ខេត្ត​បាន​ និង​មាន​ការ​ប្ដេជ្ញាចិត្ត​ខ្ពស់​ជាដើម​។

បេក្ខជន​ដែល​ចាប់អារម្មណ៍​ត្រូវ​ផ្ញើ​ប្រវត្តិរូប​សង្ខេប​ និង​លិខិត​រៀបរាប់​ពី​ចំណាប់​អារម្មណ៍​ (CV & Cover letter) ទៅ​កាន់​អ៊ីម៉ែល​ job@equitablecambodia.org ឬ​ដាក់ពាក្យ​ដោយ​ផ្ទាល់​នៅ​ការិល័យ​ផ្ទាល់​របស់​អង្គការ​សមធម៌​កម្ពុជា​។​ ថ្ងៃ​ផុត​កំណត់​៖ ថ្ងៃ​ទី​២៨ ខែ​មីនា​ ឆ្នាំ​២០១៩​។ សម្រាប់​ព័ត៌មាន​បន្ថែម​៖ https://bit.ly/2BWwk0I

៣. ការ​ហាត់ការ​ផ្នែក​គ្រប់គ្រង​បណ្ដាញ​សង្គម​ជាមួយ​USAID Greening Prey Lang

នេះ​គឺ​ជា​ឱកាស​ហាត់ការ​ពេញម៉ោង​ដែល​ផ្ដល់​ប្រាក់​កម្រៃ​ប្រមាណ​២០០​ទៅ​៣០០​ដុល្លា​។ អ្នក​ហាត់ការ​នឹង​អនុវត្ត​និង​ពង្រឹង​បន្ថែម​នូវ​គម្រោង​សម្រាប់​ប្រើប្រាស់​ក្នុង​បណ្ដាញ​សង្គម​ គ្រប់គ្រង​បណ្ដាញសង្គម​ដូចជា​ ហ្វេសប៊ុក​ Twitter  និង LinkedIn។ បេក្ខជន​ដែល​ចាប់អារម្មណ៍​ក្នុង​ការ​ដាក់ពាក្យ​ត្រូវ​ផ្ញើ​ប្រវត្តិរូប​សង្ខេប​ និង​លិខិត​រៀបរាប់​ពី​ចំណាប់អារម្មណ៍​ (CV & Cover letter) ទៅ​កាន់​អ៊ីម៉ែល​ recruitment@greeningpreylang.org ត្រឹម​ថ្ងៃទី​១ ខែមីនា​ ឆ្នាំ២០១៩​។ ព័ត៌មាន​លម្អិត​៖ https://bit.ly/2EokHjv

៤. ឱកាស​ហាត់ការ​នៅ​ស្ថានទូត​អាមេរិក​ និង​ទីភ្នាក់ងារ​ជំនួយ​អាមេរិក​ USAID

ឱកាស​ហាត់ការ​នៅ​ស្ថានទូត​អាមេរិក​ និង​ទីភ្នាក់ងារ​ជំនួយ​អាមេរិក​ USAID គឺ​ជា​ការ​ហាត់ការ​ពេញម៉ោង​ ដែល​នឹង​ចាប់ផ្ដើម​ពី​ខែ​មិថុនា​ដល់​ខែ​កញ្ញា​ ឆ្នាំ​២០១៩​។ មុខងារ​ក្នុង​ការ​ហាត់ការ​មាន​ច្រើន​ទៅ​តាម​ការ​ជ្រើសរើស​និង​មុខជំនាញ​របស់​បេក្ខជន​។ កាលបរិច្ឆេទ​ផុត​កំណត់​ដាក់ពាក្យ​៖ ថ្ងៃទី៦​ ខែមីនា​ ឆ្នាំ២០១៨​។ ព័ត៌មាន​លម្អិត៖ https://go.usa.gov/xEUC5

៥. ហាត់ការ​ជា​មន្ត្រី​គាំទ្រ​គម្រោង​ ជាមួយ​អង្គការ​ Advanced Centre for Empowerment

ការ​ហាត់ការ​ជា​មន្ត្រី​គាំទ្រ​គម្រោង​នេះ​ អាច​លក្ខណៈ​ពេញម៉ោង​ឬ​ក្រៅម៉ោង​ សម្រាប់រ​យៈពេល​៣ទៅ​៦ខែ​។ បេក្ខជន​ដែល​ត្រូវ​បាន​ជ្រើសរើស​ នឹង​ទទួល​បាន​ប្រាក់​កម្រៃ​បន្តិច​បន្តួច​ និង​បទពិសោធ​ល្អៗ​ជាច្រើន​ពី​ការងារ​។​ ដើម្បី​ដាក់ពាក្យ​ អ្នក​ត្រូវ​ផ្ញើ​ប្រវត្តិរូប​សង្ខេប​ និង​លិខិត​រៀបរាប់​ពី​ចំណាប់អារម្មណ៍​ (CV & Cover letter) ទៅ​កាន់​អ៊ីម៉ែល​ office.ace2016@gmail.com ត្រឹម​ថ្ងៃទី១៥​ ខែមីនា​ ឆ្នាំ២០១៩​ ម៉ោង​៥ល្ងាច​។ ពត៌មាន​លម្អិត​៖ https://bit.ly/2VxKb4X

អត្ថបទដោយ៖ ទី កញ្ញា