• Skip to primary navigation
  • Skip to content
  • Skip to primary sidebar

DMC Post

ការផ្សាយរបស់និស្សិតនៃដេប៉ាតឺម៉ង់ប្រព័ន្ធផ្សព្វផ្សាយនិងសារគមនាគមន៍

Main navigation

  • ទំព័រដើម
  • ព័ត៌មាន
    • កម្រងរូបភាព
    • វីដេអូ
    • ​បទយកការណ៍
    • គន្លឹះផ្សេងៗ
  • ព័ត៌មានអន្តរជាតិ
  • Campus News
    • អាហារូបករណ៍/ កម្មវិធីផ្លាស់ប្តរការសិក្សា
    • ព័ត៌មានទាក់ទងនឹងដេប៉ាតឺម៉ង់
      • ព័ត៌មានទាក់ទងនឹងសាកលវិទ្យាល័យ
  • Book Reviews
  • អំពីយើង
  • ស្វែងរក
  • Show Search
Hide Search

សង្ក្រាន្ត​វិទ្យាល័យ​៖ សិល្បៈប្រជាប្រិយ យុវជន​សម័យ​ថ្មី​ ស្មារតី​តែ​មួយ​

April 4, 2019

ដើម្បីអបអរ និងស្វាគមន៍ការឈានមកដល់នៃពិធីបុណ្យចូលឆ្នាំប្រពៃណីខ្មែរ ជារៀងរាល់ឆ្នាំ ប្រជាជនខ្មែរ​ និងអាជា្ញធរ នៅតាមបណ្ដាខេត្តនីមួយៗ បានរៀបចំបង្កើតកម្មវិធីពិសេសៗប្រចាំខេត្តរបស់ខ្លួន នោះគឺសង្ក្រាន្តឆ្នាំថ្មី។ ដោយឡែក ក្រុមយុវជន ស្ម័គ្រចិត្តមួយក្រុមមានឈ្មោះថា “និស្ស័យ” ក៏បានផ្ដួចផ្ដើមបង្កើតឱ្យមានកម្មវិធីសង្រ្កាន្តវិទ្យាល័យដើម្បីជំរុញ និងលើកស្ទួយ កម្មវិធីប្រពៃណីខ្មែរនៅតាមបណ្ដាវិទ្យាល័យ។

សង្រ្កាន្តវិទ្យាល័យ នឹងប្រព្រឹត្តទៅចាប់ពីថ្ងៃទី៥ ដល់ថ្ងៃទី៧ ខែមេសា ឆ្នាំ២០១៩ ខាងមុខនេះ នៅឯវិទ្យាល័យឥន្រ្ទទេវី។ នេះជាលើកទី៤ហើយដែលកម្មវិធីជួបជុំនេះត្រូវបានរៀបចំដោយសិស្សនិស្សិត ក្រោយពីការបង្កើតឡើងដំបូងនៅឆ្នាំ២០១៦។

អ្នកគ្រប់គ្រងកម្មវិធីទូទៅ លោក ឯម ស៊ីដា បានប្រាប់ DMC ប៉ុស្តិ៍ នៅក្នុងកម្មវិធីសន្និសីទកាសែតសង្ក្រាន្តវិទ្យាល័យថា ប្រធានបទ សំខាន់សម្រាប់សង្ក្រាន្តឆ្នាំនេះគឺ “សិល្បៈប្រជាប្រិយ យុវជនសម័យថ្មី ស្មារតីតែមួយ” ដែលវានឹងផ្ដោតសំខាន់លើគោលដៅ៣គឺ បំណិនជីវិត ទេពកោសល្យសិល្បៈ និងការច្នៃប្រឌិត។ ដើម្បីសម្រេចបាននូវគោលបំណងទាំង៣នោះ វិទ្យាល័យចំនួន ៧ នៅក្នុងរាជធានីភ្នំពេញគឺវិទ្យាល័យភ្នំពេញថ្មី វិទ្យាល័យហ៊ុនសែនជម្ពូវ័ន្ត វិទ្យាល័យសាមគ្គី វិទ្យាល័សន្ធរម៉ុក វិទ្យាល័យស៊ីសុវត្ថិ វិទ្យាល័យទួលទំពូង និងវិទ្យាល័យច្បារអំពៅត្រូវបានអញ្ជើញមកចូលរួមដើម្បីប្រកួតប្រជែងស្នាដៃ និងពង្រឹង សមត្ថភាព ការងារក្រុម នឹងម្ចាស់ផ្ទះដែលជាវិទ្យាល័យឥន្ទ្រទេវីផ្ទាល់។

យុវជនស្ម័គ្រចិត្តវ័យ២៩ឆ្នាំរូបនេះ ក៏បានបន្តថា វិញ្ញាសាបំណិនជិវិតនេះនឹងតម្រូវ​ឱ្យ​បេក្ខជន​មក​ពី​វិទ្យាល័យ​នីមួយៗ​ចូល​រួម​ប្រកូត​ក្នុង​វិញ្ញាសា​ចុងភៅវ័យក្មេង។ បេក្ខភាព​ចូលរួម​តម្រូវឱ្យ​ចម្អិនម្ហូប ក្នុង​គោល​បំណង​ជំរុញ​ និង​បង្កើត​ឱ្យ​មាន​សាមគ្កីភាព​ក្នុង​ក្រុម និង​ការ​សហការ​គ្នា ​ជាពិសេសជំនាញក្នុងការចម្អិនម្ហូប។ ចំណែក​វិញ្ញាសា​ទេព​កោសល្យ​សិល្បៈ​វិញ គ្រប់​បេក្ខជន ចូលរួម ទាំង៨វិទ្យាល័យ នឹងត្រូវសម្ដែងសមត្ថភាពច្រៀង​ ក្នុងកម្មវិធី “ម្ចាស់សំនៀងវិទ្យាល័យ” (The Voice of High School)។ វិញ្ញាសា​នេះ តម្រូវឱ្យ​អ្នក​ចូលរួមគ្រប់រូប​ ច្រៀងចម្រៀងប្រពៃណីខ្មែរ ដែលមានចង្វាក់រាំវង់ រាំក្បាច់ សារ៉ាវ៉ាន់ជាដើម និងដើម្បី លើកទឹកចិត្តបណ្ដាសិស្សវិទ្យាល័យរូបណាដែលមានទេពកោសល្យសិល្បៈផ្នែកប្រពៃណីបានបញ្ចេញសមត្ថភាពរៀងៗខ្លួន។

លោក ស៊ីដា ក៏បានបន្តថា កម្មវិធីទី៣នៃសង្រ្កាន្តវិទ្យាល័យលើកទី៤នេះ គឺការច្នៃប្រឌិត ដែលត្រូវបានបែងចែកជាពីរ គឺយុវទូត វិទ្យាល័យ និងភូមិវិទ្យាសាស្ត្រ។ លោកបានបកស្រាយថាចំពោះចំណុចពិសេសនៃភូមិវិទ្យាសាស្ត្រ គឺត្រូវតម្រូវឱ្យបណ្ដាសាលា ដែលចូលរួមទាំងឡាយដាក់បង្ហាញស្នាដៃច្នៃប្រឌិតរបស់ខ្លួនដែលទាក់ទងនឹងបច្ចេកវិទ្យាអោយបានមួយក្នុងពិព័ណ៌សង្ក្រាន្តនេះ។ ចំណែកឯកម្មវិធីយុវទូតវិទ្យាល័យវិញ គឺបង្កើតឡើងសម្រាប់យុវជនរូបណាដែលចូលចិត្តការច្នៃម៉ូដ ធ្វើការបង្ហាញស្នាដៃ របស់ខ្លួន តាមរយៈការកែច្នៃកាកសំណល់ផ្សេងៗដែលត្រូវបានបោះចោលមកធ្វើជាសម្លៀកបំពាក់។ គោលបំណងសំខាន់ក្នុងកម្មវិធី យុវទូតវិទ្យាល័យនេះគឺជម្រុញអោយយុវជនស្រឡាញ់បរិស្ថាន និងមានគំនិតច្នៃប្រឌិត ក្នុងការប្រើប្រាស់ របស់របរឱ្យអស់​ពីលទ្ធភាព។

កម្មវិធីសង្រ្កាន្តវិទ្យាល័យ នឹងប្រព្រឹត្តឡើងរយៈពេល៣ថ្ងៃនេះ នឹងមានការតាំងបង្ហាញចំនួន ៣០ ស្ដង់ និងមានភូមិខ្មែរ​ដែល​រៀបចំឡើង​​​ដោយក្រុម I Love Cambodia។ នៅក្នុងបរិវេណភូមិខ្មែរ ក្រុមយុវជនស្ម័គ្រចិត្តទាំងអស់ និងការតុបតែងនៅក្នុងនោះ​គឺធ្វើ​ទៅតាមសម័យកាលលង្វែកដែលបង្កើតអោយមានភាពប្លែកដល់អ្នកដែលចូលរួម។  ក្រៅពីនេះ ក៏មានការសម្ដែងពីក្រុម​និស្សិតមក​ពីសាកលវិទ្យាល័យមួយចំនួនក្នុងការសម្ដែងរបាំប្រណៃណី និងការសម្ដែងពីសិល្បកករ សិល្បការិនីមួយ​ចំនួនផងដែរ។

យុវជន ឯម ស៊ីដា ក៏សង្ឃឹមថាគ្រប់បណ្ដាវិទ្យាល័យនៅក្នុងប្រទេសកម្ពុជា នឹងផ្ដួចផ្ដើម ជម្រុញ លើកទឹកចិត្តឱ្យសិស្សានុសិស្ស​នៅតាមវិទ្យាល័យរបស់ខ្លួនចេះសាមគ្គីគ្នា នឹងសហការគ្នាក្នុងការធ្វើអ្វីមួយ៕

 

អត្ថបទដោយ៖ ម៉ៅ ធានី

April 4, 2019

Reader Interactions

Leave a Reply Cancel reply

Your email address will not be published. Required fields are marked *

Primary Sidebar

អត្តបទថ្មីៗ

  • ដេប៉ាតឺម៉ងប្រព័ន្ធផ្សព្វផ្សាយ និងសារគមនាគមន៍ ចាប់ផ្តើមប្រើប្រាស់កម្មវិធី Office 365 សម្រាប់ជាជំនួយដល់ការរៀន និងការបង្រៀន
  • កង់មួយជួយក្មេងឱ្យបានចូលរៀនវិញ
  • គន្លឹះនៅក្នុងការប្រើប្រាស់កាម៉េរ៉ា DSLR ថ្នាក់មូលដ្ឋាន
  • សង្ខេបព្រឹត្តិការណ៍សំខាន់ៗក្នុងសប្តាហ៏នេះ ជាមួយនឹងបណ្តាលកាសែតក្នុងស្រុក
  • បណ្តុំកម្មវិធីផ្លាស់ប្តូរកម្មវិធីសិក្សាសម្រាប់និស្សិតថ្នាក់បរិញ្ញាបត្រ
  • បណ្តុំអាហារូបករណ៍ថ្នាក់បរិញ្ញាបត្រ អនុបណ្ឌិត និងបណ្ឌិត
  • ការប្រែប្រួលអាកាសធាតុ ចាប់ផ្តើមជះឥទ្ធិលដល់ជីវិតលើភពផែនដី
  • ពិព័រណ៍រូបថត ឆ្លុះបញ្ចាំងទិដ្ឋភាពក្នុងសង្គម បន្តតាំងបង្ហាញ រហូតដល់ពាក់កណ្តាលខែក្រោយ
  • មេដឹកនាំរបបសឹកថៃលោកប្រាយុទ្ធ ជាប់ឆ្នោតជានាយករដ្ឋមន្រ្តីថៃ ជាថ្មីម្តងទៀត
  • អាហារូបករណ៍ថ្នាក់វិទ្យាសាស្រ្តទៅក្រៅប្រទេស ដែលកំពុងបើកទទួលពាក្យ

ផ្នែកនៃអត្តបទ

  • campus new
  • គន្លឹះផ្សេងៗ
  • បទយកការណ៍/សម្ភាស
  • ព័ត៏មានជាតិ
  • ព្រឹត្តិការណ៍អន្តរជាតិ

Copyright © 2021

Develop by Arunreasey