បណ្តុំអាហារូបករណ៍ថ្នាក់បរិញ្ញាបត្រ អនុបណ្ឌិត និងបណ្ឌិត

កម្មវិធីអាហារូបករណ៍ JDS ក្រោមជំនួយរបស់រដ្ឋាភិបាលជប៉ុន

កម្មវិធីអាហារូបករណ៍ JDS ក្រោមជំនួយរបស់រដ្ឋាភិបាលជប៉ុន បានផ្ដល់អាហារូបករណ៍ដល់មន្ត្រីរាជការសិក្សាថ្នាក់បរិញ្ញាបត្រជាន់ខ្ពស់ (Master) ចំនួន២៤នាក់ និងថ្នាក់បណ្ឌិតចំនួន០២នាក់ នៅប្រទេសជប៉ុនក្នុងឆ្នាំសិក្សា២០២០។ យ៉ាងណាក៏ដោយ អាហារូបករណ៍នេះសម្រាប់តែមន្ត្រីរាជការតែប៉ុណ្ណោះ។

លក្ខខណ្ឌ៖
១. ថ្នាក់បរិញ្ញាបត្រជាន់ខ្ពស់ (Master)៖
– មានសញ្ជាតិខ្មែរ
– មានសញ្ញាបត្របរិញ្ញាបត្រ
– មានអាយុចន្លោះពី២២-៣៥ឆ្នាំ គិតដល់ថ្ងៃទី០១ មេសា ២០២០
– មានចំណេះដឹងភាសាអង់គ្លេសគ្រប់គ្រាន់
– មានបទពិសោធន៍ការងារយ៉ាងតិច០២ឆ្នាំ ជាបុគ្គលិករដ្ឋដែលធ្វើការពេញម៉ោងតាមស្ថាប័នពាក់ព័ន្ធ (ចំពោះបុគ្គលិកជាប់កិច្ចសន្យា មិនត្រូវបានអនុញ្ញាតទេ)។
– មានសុភាពល្អបរិបូណ៍ទាំងកាយសម្បទា និងសតិបញ្ញា

២. ថ្នាក់បណ្ឌិត៖
មានសញ្ញាតិខ្មែរ
បានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ (Master) ក្រោមកម្មវិធីអាហារូបករណ៍ JDS
មានអាយុក្រោម៤៥ឆ្នាំ គិតដកល់ថ្ងៃទី០១ មេសា ២០២០
មានបទពិសោធន៍ការងារយ៉ាងតិច០២ឆ្នាំ បន្ទាប់ពីបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ក្រោមកម្មវិធីអាហារូបករណ៍ JDS
ជាបុគ្គលិករដ្ឋដែលធ្វើការពេញម៉ោងតាមស្ថាប័នពាក់ព័ន្ធដូចមានកំណត់ក្នុង Framework of JDS 2019
មានសុភាពល្អបរិបូណ៍ទាំងកាយសម្បទា និងសតិបញ្ញា

អាហារូបករណ៍ថ្នាក់ឧត្តមសិក្សាថ្នែកវិទ្យាសាស្ត្រ បច្ចេកទេស និងសេដ្ឋកិច្ចទៅសិក្សានៅព្រះរាជាណាចក្រម៉ារ៉ុក (Morocco) សម្រាប់ឆ្នាំសិក្សា២០១៩-២០២០

អាហារូបករណ៍ចំនួន០៥កន្លែងនឹងផ្ដល់ជូននិស្សិតទៅសិក្សានៅព្រះរាជាណាចក្រម៉ារ៉ុក តាមរយៈក្រសួងអប់រំ យុវជន និងកីឡា សម្រាប់ឆ្នាំ២០១៩-២០២០

លក្ខខណ្ឌ៖
– មានសញ្ជាតិខ្មែរ
– មានសញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃស្មើ
– មានចំណេះដឹងភាសាបារាំងជ្រៅជ្រះ
– មានអាយុចន្លោះពី១៩ ដល់២៣ឆ្នាំ
– មានសុខភាពល្អបរិបូរណ៍ទាំងកាយសម្បទា និងសតិបញ្ញា
និសិ្សតដែលមានចំណាប់អារម្មណ៍អាចទាក់ទងរកពាក្យសុំអាហារូបករណ៍ និងបំពេញសំណុំបែបបទផ្សេងៗនៅក្រសួងអប់រំ យុវជន និងកីឡា (ការិយាល័យអាហារូបករណ៍ និងកម្មសិក្សានៃនាយកដ្ឋានទំនាក់ទំនងវប្បធម៌ និងអាហារូបករណ៍អគារ៨០ មហាវិថីព្រះនរោត្តម (ស្ថិតក្នុងទីស្ដីការក្រសួងអប់រំ យុវជន និងកីឡា))។
ផុតកំណត់ថ្ងៃទី៖ ១៥ សីហា ២០១៩

វិទ្យាស្ថានបច្ចេកវិទ្យា (សាលាតិចណូ) បានប្រកាសជ្រើសរើសនិស្សិតចូលរៀនថ្នាក់មូលដ្ឋាន កម្រិតវិស្វករ ចំនួន១,០០០នាក់ សម្រាប់ឆ្នាំសិក្សា២០១៩-២០២០

ក្នុងនោះ អាហារូបករណ៍នួយចំនួនក៏ត្រូវបានផ្ដល់អោយដល់និស្សិត ដោយអាហារូបករណ៍ទាំងនោះត្រូវបានបែងចែកជា៣ រួមមាន៖
អាហារូបករណ៍១០០% ចំនួន៨០នាក់ សម្រាប់សិក្សារយៈពេល៥ឆ្នាំ តាមនិតិវិធីរបស់ក្រសួងអប់រំ យុវជន និងកីឡា។
អាហារូបករណ៍២៥% សម្រាប់និស្សិតនារីគ្រប់រួបដែលសិក្សានៅវិទ្យាស្ថានបច្ចេកវិទ្យាកម្ពុជាំ។
អាហារូបករណ៍ពីដៃគូនានា។
*** អាហារូបករណ៍ទាំងអស់ខាងលើនេះ នឹងត្រូវបានផ្ដាច់ក្នុងករណីនិស្សិតរៀនត្រួតថ្នាក់។

*** បេក្ខជនត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រសមមូល

បេក្ខជនត្រូវដាក់ពាក្យសុំធ្វើការប្រឡងនៅតាមវិទ្យាល័យដែលកំពុងសិក្សា តាមនិតិវិធីដែលកំណត់ដោយក្រសួងអប់រំ យុវជន និងកីឡា ហើយត្រូវមកបង្ហាញខ្លួននៅ វ.ប.ក. ចាប់ពីថ្ងៃទី០៩ ដល់ថ្ងៃទី៣០ កញ្ញា ២០១៩ ដោយភ្ជាប់មកជាមួយនូវ សលាកប័ត្រឯកជន ចេញដោយវិទ្យាល័យដើម្បីផ្ទៀងផ្ទាត់ និងប្រាក់ចំនួន១០,០០០៛ ដើម្បីបង់សិទ្ធិប្រឡង។ ក្នុងករណីមិនបានមកបង្ហាញខ្លួន និងប្រគល់សលាកប័ត្រឯកជនតាមការកំណត់ខាងលើ វ.ប.ក.នឹងចាត់ទុកថាបេក្ខជនបានបោះបង់សិទ្ធិប្រឡងរបស់ខ្លយនជាស្ថាពរ។

ក្នុងករណីមិនបានដាក់ពាក្យសុំប្រឡងពីតាមវិទ្យាល័យដែលកំពុងសិក្សា ហើយមានបំណងសិក្សានៅ វ.ប.ក. ដោយមិនទទួលបានអាហារូបករណ៍របស់ក្រសួងអប់រំ យុវជន និងកីឡា បេក្ខជនត្រូវមកដាក់ពាក្យដោយផ្ទាល់នៅ វ.ប.ក. ចាប់ពីថ្ងៃទី០៩ ដល់ថ្ងៃទី៣០ កញ្ញា ២០១៩។ សំណុំឯកសារសម្រាប់ដាក់ពាក្យសុំប្រឡង មានដាក់លក់នៅវ.ប.ក. ចាប់ពីថ្ងៃទី០៩ ដល់ថ្ងៃទី៣០ កញ្ញា ២០១៩។
បញ្ជាក់៖ វ.ប.ក. ឈប់ទទួលពាក្យត្រឹមថ្ងៃទី៣០ កញ្ញា ២០១៩
សម័យប្រឡង៖ ០២ តុលា ២០១៩

អត្ថបទដោយ៖ ម៉េង សុខហ៊ួយ